ഡൽഹി:രാജ്യത്തേയ്ക്ക് യു.കെയിൽ നിന്ന് വരുന്നവർക്ക് ഏർപ്പെടുത്തിയ കോവിഡ് നിയന്ത്രണങ്ങൾ പിൻവലിച്ച് ഇന്ത്യ. പുതിയ സാഹചര്യത്തിൽ ഈ മാസം 11ന് പുറപ്പെടുവിച്ച നിയന്ത്രണങ്ങൾ പിൻവലിക്കുന്നതായും പകരം ഫെബ്രുവരി 17ലെ മാർഗനിർദേശങ്ങൾ പ്രാബല്യത്തിലാകുമെന്നും കേന്ദ്ര ആരോഗ്യ മന്ത്രാലയം അറിയിച്ചു.
യു.കെയിൽനിന്ന് വരുന്ന രണ്ട് കോവിഡ് വാക്സിൻ എടുത്തവർക്കും 10 ദിവസം നിർബന്ധിത ക്വാറൻറീനാണ് ഇന്ത്യ ഏർപ്പെടുത്തിയിരുന്നത്.
എന്നാൽ, കോവിഷീൽഡ് വാക്സിൻ എടുത്ത ഇന്ത്യക്കാർക്ക് ബ്രിട്ടീഷ് ഗവൺമെന്‍റ് ഏർപ്പെടുത്തിയിരുന്ന നിർബന്ധിത പരിശോധനയും ക്വാറൻറീനും അവർ ഒഴിവാക്കിയതിനെ തുടർന്നാണ് ഇന്ത്യയുടെ നടപടി.
