കോഴിക്കോട്/ സംസ്ഥാനത്ത് വീണ്ടും ഷിഗെല്ല സ്ഥിരീകരിച്ചു. കോഴിക്കോട് പയ്യോളിയിലാണ് ഷിഗെല്ല റിപ്പോര്ട്ട് ചെയ്തത്. മൂന്ന് വയസുകാരനാണ് രോഗം സ്ഥിരീകരിച്ചത്. നിലവില് ആരോഗ്യ നില തൃപ്തികരമാണ്.
ഇന്ന് വയനാട് കോളയാടി സ്കൂളിലെ ഏഴ് പേര്ക്ക് കൂടി ഷിഗെല്ല സ്ഥിരീകരിച്ചിരുന്നു. ഇതോടെ വയനാട്ടില് ഷിഗെല്ല സ്ഥിരീകരിച്ചവരുടെ എണ്ണം 16 ആയി. 110ല് അധികം പേര്ക്കാണ് ഈ വര്ഷം സംസ്ഥാനത്ത് രോഗം സ്ഥിരീകരിച്ചത്. കഴിഞ്ഞ വര്ഷം ഇതേ സമയത്ത് 54 പേര്ക്കാണ് രോഗം ബാധിച്ചത്.
2025 ല് 132 പേര്ക്കാണ് ഷിഗെല്ല രോഗം ബാധിച്ചത്. 2024ല് 121 പേര്ക്ക് രോഗം സ്ഥിരീകരിച്ചു. 2023ല് 90 പേര്ക്കും 2022ല് 83 പേര്ക്കുമാണ് രോഗം സ്ഥിരീകരിച്ചത്. കൂടുതല് ജില്ലകളില് രോഗസാന്നിധ്യം ഉണ്ടെന്നും ഈ വര്ഷത്തേത് അസാധാരണ സാഹചര്യമെന്നുമാണ് ആരോഗ്യവകുപ്പിന്റെ വിലയിരുത്തല്
Advertisement
