എറണാകുളം / കൊച്ചിയില് നടി ആക്രമിക്കപ്പെട്ട കേസില് അതിജീവിതയുടെ ഹര്ജി ഹൈക്കോടതി ഫയലില് സ്വീകരിച്ചു. കേസിലെ പ്രധാന തെളിവായ മെമ്മറി കാര്ഡും പെന്ഡ്രൈവും ഹാജരാക്കണമെന്ന് നിർദേശമുണ്ട്. മെമ്മറി കാര്ഡും പെന്ഡ്രൈവും നേരിട്ട് കോടതിയില് ഹാജരാക്കണമെന്നാണ ഹൈക്കോടതി നിർദേശിച്ചത്. ഒരു മാസത്തിനകം മുദ്രവച്ച കവറില് ഹാജരാക്കാന് എറണാകുളം പ്രിന്സിപ്പല് സെഷന് കോടതിയോടാണ് ഹൈക്കോടതിയുടെ നിര്ദേശം. മെമ്മറി കാര്ഡ് പരിശോധനയിലെ എസ്ഐടി അന്വേഷണ ആവശ്യം പ്രഥമദൃഷ്ട്യാ നിലനില്ക്കുമെന്നും ഹൈക്കോടതി വ്യക്തമാക്കി. എസ്ഐടി അന്വേഷണ ആവശ്യത്തില് പ്രൊസിക്യൂഷന് നിലപാട് അറിയിക്കണമെന്നും ഹൈക്കോടതി നിർദേശിച്ചു.
